2011-11-17 / Տարոն Մարգարյանի ուղերձը ուսանողների միջազգային օրվա կապակցությամբ
Սիրելի՛ ուսանողներ,
ընդունեք իմ ջերմ շնորհավորանքներն ու բարեմաղթանքները ուսանողների միջազգային օրվա կապակցությամբ:
Տարեցտարի ավելի ու ավելի է մեծանում ու կարևորվում ձեր դերն ու համախմբված մասնակցությունը երկրի քաղաքական ու հասարակական զարգացումներին:
Ուզում եմ շնորհակալությամբ նշել, որ ուսանողությունն իր ամենատարբեր նախաձեռնություններով ոչ միայն մասնակից է մայրաքաղաքում իրականացվող ծրագրերին ու միջոցառումներին, այլ նաև քաղաքացիական ակտիվ դիրքորոշում ունի հասարակական կյանքի տարբեր ասպարեզներում:
Այսօր դուք վստահորեն քայլում եք ժամանակին համընթաց, ունեք մեծ ներուժ՝ ձեր մասնագիտական կարողությունները ներդնելու և համարձակ ձգտումները կյանքի կոչելու համար:
Վստահ եմ, որ ձեր միասնականությունը, երիտասարդական ավյունն ու նվիրումը մշտապես ուղեկից կլինեն նպատակներին հասնելու ճանապարհին:
Սիրելի՛ ուսանողներ, կրկին շնորհավորում եմ ձեզ, մաղթում անկոտրում կամք և մեծ հաջողություններ ուսման մեջ:

ՏԱՐՈՆ ՄԱՐԳԱՐՅԱՆ

2011-11-16 / Տարոն Մարգարյանը ընտրվեց Երևանի քաղաքապետ
Նոյեմբերի 15-ին, ժամը 11:00-ին տեղի է ունեցել Երևանի ավագանու արտահերթ նիստ, որի օրակարգում Երևանի քաղաքապետի ընտրության հարցն էր։ Նիստը վարել է քաղաքապետի պաշտոնակատար Տարոն Մարգարյանը։
Հաշվիչ հանձնաժողովի տվյալներով` նիստին ներկա է եղել ավագանու 49 անդամ։ Նախքան օրակարգի հարցին անցնելը, Տարոն Մարգարյանը ավագանու անդամներին ներկայացրել է ԿԸՀ նոյեմբերի 12-ին կայացած նիստի որոշումը, համաձայն որի` ՀՀԿ համամասնական ցուցակով Երևանի ավագանու անդամ է ընտրվել Գեորգի Գաբրիելյանը։
Արտահերթ ընտրությունների ժամանակ «Երևան քաղաքում տեղական ինքնակառավարման մասին» Հայաստանի Հանրապետության օրենքի 46-րդ հոդվածի 2-րդ մասի համաձայն` Երևանի քաղաքապետի թեկնածուներ առաջադրելու իրավունքը պատկանում է ավագանու խմբակցություններին։
Ըստ այդմ, ավագանու «Հայաստանի հանրապետական» խմբակցությունն առաջադրել է Երևանի քաղաքապետի առաջին տեղակալ, քաղաքապետի պաշտոնակատար Տարոն Մարգարյանի թեկնածությունը։ «Բարգավաճ Հայաստան» խմբակցությունը թեկնածու չի առաջադրել և հայտարարել է, որ պաշտպանում է Տարոն Մարգարյանի թեկնածությունը։
Հաշվիչ հանձնաժողովը ԶԼՄ-ների ու ավագանու անդամների ներկայությամբ կատարել է քվեաթերթիկների հաշվարկ, որից հետո հաշվիչ հանձնաժողովի նախագահ Սուրեն Ներսիսյանը ավագանուն է ներկայացրել փակ, գաղտնի քվեարկության արդյունքները՝ հրապարակելով արձանագրությունը։ Քվեարկության արդյունքում ավագանու միաձայն կողմ քվեարկությամբ Երևանի 54-րդ քաղաքապետ է ընտրվել Տարոն Անդրանիկի Մարգարյանը։

Երևանի քաղաքապետարանի տեղեկատվության
և հասարակայնության հետ կապերի վարչություն

2011-11-14 / Խորհրդակցություն վարչական շրջանների ղեկավարների հետ
2011-11-12 / Տարոն Մարգարյանը պարգևատրվել է ՀՀ ՊՆ «Անդրանիկ Օզանյան» մեդալով
2011-11-12 / Շրջայց Էրեբունի վարչական շրջանով
2011-11-10 / Հայաստանի համայնքների միության անվանական ոսկյա հուշամեդալ` Տարոն Մարգարյանին
2011-11-10 / Պարգևատրում Ազգային Ժողովի կողմից
2011-11-05 / Նոր այգի Աջափնյակ վարչական շրջանում
2011-11-04 / Ոսկե մեդալներ սիրված դերասանուհիներին
2011-10-31 / Աշխատանքային խորհրդակցություն քաղաքապետարանում